«ՈՒԳԸ – ԱԳԸ. կրթական կամուրջներ» (երկարաժամկետ նախագիծ)

                           Նպատակ

Կայուն, երկարաժամկետ, բազմակողմանի և ամենօրյա համագործակցություն իրականացնել ԵՊՀ բոլոր ֆակուլտետների ուսանողական գիտական ընկերւթյունների հետ:

Խնդիրներ

  1. Բավարարել սովորողների գիտական հետաքրքրությունները;
  2. Զարգացնել և հմտության աստիճանի հասցնել սովորողների համագործակցային, հետազոտական, ստեղծական կարողությունները;
  3. Նպաստել սովորողների իրատեսական մասնագիտական կողմնորոշմանը;
  4. Ստեղծել համագործակցության նոր հարթակներ և ուղղություններ:

 Բովանդակություն

  1. Սովորողների հետազոտական աշխատանքների ուսանողական խորհրդատվություն;
  2. Համատեղ նախագծերի, այդ թվում` ճամբարային, իրականացում;
  3. Երրորդ կողմի` կրթական գործառույթներ իրականացնող այլ կառույցների հետ, փոխաջակցությամբ համագործակցության հաստատում:

Շահառուներ

6-11-րդ դասարանների սովորողներ, ուսանողներ, երեխաների մտային և սոցիալական կարողությունների զարգացմամբ շահագրգիռ ծնողներ ու հասարակական կառույցներ:

Ակնկալվող արդյունքներ

  1. Հետազոտական աշխատանքների արդյունքների պարբերական հրապարակումներ;
  2. Համատեղ նախագծերի գործնական հաշվետվություններ;
  3. Ճամբարային գործունեության բովանդակության հարստացում:

27.02.2017                    ©                 Աշոտ Տիգրանյան

Արևելագիտության ֆակուլտետի առաջարկած թեմաները

  1. Սասանյանների հաստատումը Իրանում: Պարթև Արտավանի գահընկեցությունը և լեգենդները Արտաշիրի մասին:
  2. Իսլամի շիական հայեցակարգը: Իրանը շիական Իսլամի կրող:
  3. Պարսից Շահ Աբաս Առաջինի կառավարման ժամանակաշրջանը: Հայերի բռնագաղթը Իրան:
  4. Ռուս-իրանական հարաբերությունները Սեֆյանների օրոք:
  5. Ալեքսանդր Մակեդոնացու արշավանքները: Իրանի նվաճումը:
  6. Եղիշեն զրադաշտականություն մասին: Ավեստան և նրա մասերը:
  7. Միջնադարյան Իրանի արևելյան հարևանները. Հոներ, հեփթաղներ:
  8. Օմար Խայամ. բանաստե՞ղծ, թե՞ գիտնական:
  9. Մուհամմադ մարգարեի կյանքն ու գործունեությունը
  10. Ի՞նչ է իսլամը
  11. Ղուրանը՝ Սուրբ գիրք
  12. Արևմտյան Սահրայի հակամարտությունը և սիրիական պատերազմը
  13. «Իսլամական պետություն» ահաբեկչական խմբավորման գործունեությունը
  14. Արաբա-իսրայելական հակամարտություն
  15. Արաբական գարուն
  16. Աբուլ-ալա-ալ-Մահարի
  17. Վահաբիականություն
  18. Միլլեթների համակարգը Օսմանյան կայսրությունում
  19. Հայկական համայնքը Թուրքայում. առաջացումից մինչև մեր օրերը
  20. Ռումի սելջուկյանների ռազմական ինստիտուտը

Առաջարկվող հիմնական թեմաներ և թեմաների շրջանակ

1.Վանի թագավորության պատմություն
2.Ջուղայի խաչքարերի և իսլամական արվեստի առնչությունների շուրջ
3.Կոթիի տարածաշրջանի տապանաքարերի առանձնահատկությունները
4.Հայոց ազգային-ազատագրական պայքարի պատմություն
5.Ազգային-ազատագրական պայքարի արտացոլումը ազգային երգարվեստում
6.Զորավար Անդրանիկի կերպարը գրականության և արվեստի ստեղծագործություններում:

Արևելքը գրքերի աշխարհում

Իմ երկխոսությունը ԵՊՀ արևելագիտության ֆակուլտետի ՈՒԳԸ նախագահ Ջեմմա Բադիկյանի հետ կայացավ կրթահամալիրի կենտրոնական ընթերցասրահում, որտեղ մեզ ոգևորում էին մարդկության հանճարները և տաղանդները: Զրույցը ծավալվեց մեր սկսվող համագործակցության ուղղությունների շուրջ: Պայմանավորվեցինք, որ հնարավորինս արագ կձևավորենք ուսանող- սովորող երկյակները, բնականաբար, իրենց հետաքրքրող թեմաների ուսումնասիրության ընթացքում անհրաժեշտ խորհրդատվությունն իրականացնելու նպատակով:Ուսանողները կանցկացնեն նաև վարպետության դասեր և կօգնեն կազմակերպել «Պետությունների մենամարտ» նախագծի (գաղափարի տեղայնացման հեղինակ` Էմանուել Ագջոյան) «Թուրքիա-Իրան»բաժինը:

Հասարակագիտական նախագծերի ստուգատեսին արևելագետ ուսանողների մասնակցության ձևաչափը պարզ կլինի այս շաբաթվա ընթացքում:

20.02.2017                           Աշոտ Տիգրանյան

Ֆիզիկայի ֆակուլտետի ՈՒԳԸ անդամների գիտական հետաքրքրությունների ցանկ

  1. Պլազմա.կայծակ (ինքնուրույն և ոչ ինքնուրույն պարպումներ),
  2. Օպտիկա. լազերներ և կարճ իմպուլսներ,
  3. Օտիկա. սպեկտր, ատոմների ճառագայթում,
  4. Մաքսվելի հրեշ:Թերմոդինամիկայի առաջին և երկրորդ սկզբունքները,
  5. Այլընտրանքային էներգետիկա,էներգիայի այլընտրանքային աղբյուրներ,
  6. Տարածաժամանակ, ժամանակի դանդաղում, Այնշտայնի հարաբերականության հատուկ տեսությունը,
  7. Քվանտային մեխանիկա, միկրոաշխարհ։Բորի պոստուլատներ, ատոմների կլանում և ճառագայթում,
  8. Էլեկտրոմագնիսական ալիքներ։Ռենտգենյան ճառագայթում,
  9. Միջուկային ճեղքում, ատոմակայան,
  10. Լույսի տարածումը մետաղների մակերևույթով,
  11. Հեղուկ բյուրեղներ. Անհասկանալի ագրեգատային վիճակ։ Լույսի կառավարումը հեղուկ բյուրեղների միջոցով։

Մեր գործընկերը կլինեն նաև ֆիզիկոս ուսանողները

ԵՊՀ ֆիզիկայի ֆակուլտետի ՈՒԳԸ եռյակի հետ հանդիպումը հետաքրքիր և արդյունավետ էր ոչ միայն այն պատճառով, որ իմ զրուցակիցներից երկուսը նաև դասավանդում են հանրակրթական հաստատություններում: Նրանց և մեր առաջարկություններից երեքը` բնագիտական ճամբար, հանրամատչելի թեմաներով պարապմունքներ սովորողների հետ, ֆիզիկայի հետաքրքրաշարժ դրսևորումներին նվիրված բլոգի վարում, նույնական էին: Մեր նոր գործընկերները պատրաստակամ են աշխատել սովորողների հետ խնդիրների լուծման ոլորտում: Մեր համագործակցության մյուս ուղղությունները` ուսանողական խորհրդատվություն ֆիզիկայից հետազոտական աշխատանք կատարող սովորողին, համատեղ նախագծերի իրականացում, կրթահամալիր — ուսանողների ծննդավայրերի դպրոցներ կապի հաստատում, ևս քննարկվեցին: Մոտ օրերս ֆիզիկայի ֆակուլտետի մի խումբ ուսանողներ կայցելեն կրթահամալիր: Հուսով եմ, որ ֆիզիկայով հետաքրքրվող սովորողներն այս հնարավորությունն առավելագույնս կօգտագործեն:

13.02.2017                                           Աշոտ Տիգրանյան

Համագործակցությունը ծավալվում է

Փետրվարի 6-ին, նախնական պայմանավորվածության համաձայն, հանդիպեցի ԵՊՀ պատմության ֆակուլտետի ՈՒԳԸ նախագահ Գեղամ Ասատրյանի հետ և ներկայացրեցի ներքոշարադրյալ առաջարկը, որն ընդունվեց և առաջին քայլերը կարվեն արդեն այս շաբաթ:

Համագործակցության ուղղություններ

  1. Ուսանողների հետազոտական աշխատանքների հրապարակումներ «Մխիթար Սեբաստացի» կրթահամալիրի կայքում և ԱԳԸ բլոգում;
  2. Ուսանողների մասնակցությունը (գիտական հոդվածներով և վարպետության դասերով) կրթահամալիրում մարտ ամսին ավանդաբար անցկացվող հասարակագիտական ստուգատեսին (նվիրված է հրապարակախոս-լրագրող և հասարակագետ Տիգրան Հայրապետյանի հիշատակին);
  3. Ուսանողների մասնակցությունը կրթահամալիրում իրականացվող հետևյալ երկարաժամկետ նախագծերին` «Ամբողջատիրություն», «Այլընտրանքային պատմություն», «Հետազոտական արշավային ճամբար», «Ների´ր, Աբբահայր»;
  4. Համատեղ ուսումնական ճամփորդություններ և արշավներ;
  5. Մեկ ուսանողը մեկ աշակերտի խորհրդատու ձևաչափով հետազոտական աշխատանք համատեղ ընտրված թեմայով:

 

06.02.2017                             Աշոտ Տիգրանյան

 

 

 

ԵՊՀ փիլիսոփայության և հոգեբանության ֆակուլտետի ՈՒԳԸ-ի առաջարկած թեմաները

  • HR, աշխատակազմի մոտիվացիա, ագրեսիայի դրսևորումները կախված կիսագնդերի ասիմետրիայից:
  • Կառավարման հոգեբանություն:
  • Մասնագիտական/հուզական այրում: Այս թեմայի շրջանակում հետաքրքրված է և ուսումնասիրել է սթրես, հուզական այրմանը նպաստղ գործոնները, հաղթահարումը:
  • Ընտանիքում առկա հոգեբանական բռնության ազդեցությունը երեխայի զարգացման վրա:
  • Ինքնիրացում :
  • Կրոն, աթեիզմ, հինդուիզմ, բուդդիզմ, էքզիստենցիալիզմ(Քամյու, Նիցշե)
  • Մոտիվացիա, կրթական մոտիվացիա, երազներ, հույզեր:
  • Ազատության հիմնախնդիր, իդեալիզմի ու մատերիալիզմի պատմական փոխհարաբերություն, աստծո գոյության հիմնախնդիր (թեիզմ,դեիզմ,պանթեիզմ,աթեիզմ), գրականության ու փիլիսոփայության փոխհարաբերության խնդիր, գերմանական դասական փիլիսոփայություն:
  • Էթնոհոգեբանություն:
  • Գենդեր