11-րդ դասարանի «Պատմություն» առարկայի այլընտրանքային ծրագիր

Իրավիճակի նկարագրություն – Անցյալի` տարբեր նպատակներով աղավաղումն իրականություն է: Ուստի պատմական իրականության հանդեպ գնալով աճող նպատակադրված կեղծման չեզոքացումը խմբային աշխատանքի միջոցով և իր անկանխատեսելի խնդիրները լուծելով, անհրաժեշտ կրթական քայլերի հերթագայություն է, որոնք կկատարվեն ներքոշարադրյալ տեքստի գաղափարների իրականացման միջոցով:

Նպատակներ
Ա.Նպատակաուղղել սովորողներին պատմության դասերի յուրացմանը;
Բ. Անհատականացված աշխատանքով ամրակայել սովորողի` պատմական օրինաչափությունների դրսևորման  առանձնահատկությունների կոգնիտիվ ընկալման հմտությունը:
Միշտ պետք է ձգտել ճիշտն իմանալուն և գիտակցելուն, ու հետևաբար դրա իսկ կարողությանը, որի հիմնական նախապայմանն է հենց իսկ մարդու կամքը:

Չավարտվող պատմություն

  (երրորդ ուսումնական շրջանի համառոտագրում)

Պարտության ապտակը զնգում է ականջներումս, սակայն մեր հոգիների չչորացած արցունքներից սկիզբ է առնում մաքրագործող ջրհեղեղը:

26.05.2021         ©                 Աշոտ Տիգրանյան

Ձախողումների և ձեռքբերումների խառնարանում

                  (մայիսյան հաշվետվություն)

1. Ձախողվեց մանրակրկիտ նախապատրաստված ուսումնական ճափորդությունը Սյունիք;
2. 9-րդ դասարանի սովորողներ Կարինե Գոմցյանի, Շուշան Փաշինյանի և Դավիթ Իսպիրյանի հետ միասին լրամշակեցինք 10-րդ դասարանի «Պատմություն» առարկայի այլընտրանքային ծրագիրը;
3. Դանդաղ է աճում «Պատմության վերակառուցում» նախագծի աշխատանքային խմբի մասնակիցների և 6-րդ դասարանի «Պատմություն» դասընթացի հեղինակային ծրագիրն ընտրած սովորողների քանակը;
4. Վարդան Կարապետյանի համահեղինակությամբ ձևակերպեցինք Դասավանդողի իրավական վերապատրաստման ծրագիրը և Դասավանդողի իրավական վերապատրաստման պարապմունքների համառոտ բովանդակությունը;
5. Հետաձգվեց հունիս պատմության վերակառուցման ուրարտական փուլի գործնական իրականացումը;
6. Փոթորկոտ հանդիպում էպիգենետիկ Գեորգի Ավետիսյանի և գործնական քննարկում Եվրասիա համագործակցության հիմնադրամի ներկայացուցիչներ Ջուլյա Սահակյանի և Նանե Պասկևիչյանի հետ;
7. Իմ ինքնակրթության օրագրի շահառուների թվի ավելացման մեթոդաբանությունը կատարելագործման կարիք ունի;
8. Կրթական գործունեությանս հետևանքների որոշ հրապարակված պատառիկներ` «Ես և իմ Հայրենիքը» դասընթացի շրջանակում Ֆիոլետովո գյուղում էինք, Հանդիպում հրապարակախոս Տիգրան Պասկևիչյանի հետ, Հանդիպում Հայկ Կիրակոսյանի հետ, Պատմության փակ էջերը, Հարևան ժողովուրդների էպոսների ուսումնասիրում. Արեգ Հարությունյան, Միջպետական փուլերի երեք գործոնները, Homo sapiens–ի քաղաքակրթության ներկայի վերելքն ու ապագայի կերտումը, Հարևան ժողովուրդների էպոսների ուսումնասիրում. Դավիթ Մուրադյան և Արմինե Սարգսյան, Քաղաքական մտորումներ, Նախնադարյան մարդու և ժամանակակից մարդու տարբերությունները, Համեմատություն. նախնադարյան և ժամանակակից մարդիք, Հանդիպում Ջուլյա Սահակյանի և Նանե Պասկևիչյանի հետ,Հանդիպում հոգեբան, էպիգենետիկ Գեորգի Ավետիսյանի հետ, որոշակի պատկերացում են տալիս աշխատանքիս ուղղությունների մասին;
9. Մասնակցություն «Հեղինակային կրթական ծրագրով ամփոփիչ ստուգումը օրվա պահանջ» կլոր սեղան քննարկմանը և հասարակագիտական ստուգատեսի արդյունքների ամփոփման կլոր սեղանին;
10. Հստակ պատկերացում ունեմ հունիսյան անելիքներիս մասին:

26.05.2021                  ©                 Աշոտ Տիգրանյան

Դասավանդողի իրավական վերապատրաստման պարապմունքների համառոտ բովանդակություն

Ա/․ՀՀ Սահմանադրություն և Երեխայի իրավունքների մասին օրենքը

1․Տեսական պարապմունք /1 ժամ/-Հայկական Սահմանադրությունների պատմություն /«Որոգայթ փառացից մինչև մերօրյա Սահմանադրություն/, Սահմանադրության առանցքային դրույթներ, դասավանդողի գործունեությանն ուղղակիորեն առնչվող հոդվածներ

2․Գործնական պարապմունք /1 ժամ/-Դասավանդողի գործունեությանն ուղղակիորեն առնչվող հոդվածների քննարկում՝ դրանց գործնականացման նպատակադրմամբ

3․Ստուգում /1 ժամ/-Գրավոր աշխատանք՝ որքանո՞վ է համապատասխանում Երեխայի իրավունքների մասին օրենքը Սահմանադրության պահանջներին

Բ/․Հանրակրթության մասին օրենքը

Դասավանդողի իրավական վերապատրաստման ծրագիր

Ներածություն՝

«Մխիթար Սեբաստացի» կրթահամալիրում իրականացվում է հեղինակային մանկավարժություն, որի հեղինակ դասավանդողի մասնագիտական ուսուցումը, անընդհատ մանկավարժական զարգացումն ու դրան ներկայացվող պահանջները շուրջտարյա են։

Հեղինակային մանկավարժություն իրականացնող դասավանդողի համար պարտադիր է հանրակրթության իրավական ոլորտի փաստաթղթերի ստեղծական յուրացումը և դրանց ամենօրյա գործնական կիրառումը։

Չորրորդ ուսումնական շրջան

                     (31.05-11.06.2021)

1. «Կրթական ինքնավարություն» նախագծի շրջանակներում 9-րդ և 11-րդ դասարանների «Պատմություն» առարկայի 2021-2022 ուստարվա հեղինակային ծրագրի ստեղծում սովորողների աշխատանքային խմբերի հետ (9-րդ դասարանի ծրագրի աշխատանքային խումբ` 8-րդ դասարանի սովորողներ` Հայկ Ղազարյան, Իռեն Կարապետյան, Էդուարդ Սարգսյան, Էլիզա Ղարիբյան, Ալեն Կոշկարյան; 11-րդ դասարանի ծրագրի աշխատանքային խումբ` 10-րդ դասարանի սովորողներ Մարկ Միկաիլ, Հայկ Մկրտչյան, Յուրի Հարությունյան);
2. «Պատմության վերակառուցում» նախագծի ուրարտական փուլի ավարտ և Արտաշեսյանների ժամանակաշրջանի նախապատրաստական շրջանի մեկնարկ;
3. «Սյունիք» նախագծի ամառային շրջանի նախապատրաստական աշխատանքների իրականացում;
4. 10-րդ դասարանի «Պատմություն» առարկայի այլընտրանքային ծրագրի սովորողների մասնակցությամբ լրամշակված տարբերակի քննարկումներ 9-րդ դասարանցիների հետ:

17.05.2021                        ©            Աշոտ Տիգրանյան

Ինքնակրթություն

                          2021-ի մայիս

Ինքնակատարելագործման փոխարեն շատերը չգիտես ինչու փորձում են կատարելագործել մարդկությանը:

  Հերոսները ոչ միշտ են հաղթում, նրանք երբեմն պարտվում են, բայց շարունակում են մարտնչել, չեն հանձնվում: Ահա թե ինչն է նրանց դարձնում հերոսներ:

                           Հոդվածներ

Քաղաքական

Պատմություն (10-րդ դասարան, այլընտրանքային ծրագիր, լրամշակված տարբերակ)

1. Իրավիճակի նկարագրություն

Արժևորելով պետությունը որպես ազգի ինքնակազմակերպման բարձրագույն ձև և նրա հարատև առաջընթացի անփոխարինելի գործիք,  վերջին պարտության գլխավոր պատճառներից մեկը համարելով պետության նկատմամբ հասարակության տարբեր շերտերի անհամարժեք վերաբերմունքը, կարևորելով պատանիների արժեհամակարգի վերնամասում «Պետություն» արժեքի ամրակայումը, հաշվի առնելով հանրակրթական առարկաների ծրագրերում կատարվող փոփոխությունների հարացույցը, հարկ ենք համարում ներկայացնել սույն այլընտրանքային, փորձարարական ծրագիրը, որի իրականացմանը ներառվելու են նաև այլ մասնագետներ, իսկ ուսումնական ձեռնարկը գրվելու է բոլոր շահառուների, առաջին հերթին` սովորողների, մասնակցությամբ: