Թալինյան մուսա

Վերադարձիր գարուն,

                            Դու դեռ տալիք ունես.

                           Ո՞ւր են գույներդ:

                         Վերադարձիր գարուն,

                          Դու դեռ վերցնելիք ունես.

                          Ո՞ւր են նահատակներս:

                          Վերադարձիր գարուն,

                          Խառնիր գույներդ կյանքիս.

                           Ես եմ վերադառնում:

      06.06.2021              ©               Ներքին Բազմաբերդ

                         Քամի´, տար գերեզմանների դրոշները,

                          Վերադարձրու կորած բնակավայրերի վրա,

                         Քամի´, տար գերեզմանների դրոշները,

                         Ես եմ դառնում դրոշ Հայոց Տան վրա:

06.06.2021                       ©                               Թալին

                                Մի´ նայիր երկնքին,

                                Դու տեղ չունես,

                             Այնտեղ հրեշտակներն են:

                                  Մի´ նայիր դժոխքին,

                                   Դու տեղ չունես,

                             Այնտեղ սատանաներն են:

                                   Քո տեղը երկրի վրա է

                                   Հայ մարդ, ոտքդ հողին դիր,

                                    Հողին քո նախնյաց:

                                  Ու պարտված են հրեշտակ ու սատանա:

06.03.2021                      ©                                  Աշնակ

                                        Որպես գիր դարձած մի այծ,

                                        Որպես լույս դարձած մի կայծ,

                                        Որպես երգ դարձող ջրվեժ,

                                        Որպես կյանք դարձող վրեժ,

                                        Քո արահետն եմ, Հայաստան:

                                        Որպես ջուր դարձած ամպիկ,

                                        Որպես հույս դարձած ջրիկ,

                                        Որպես կանչ դարձող կայծակ,

                                        Որպես սկիզբ դարձող ապտակ,

                                        Քո բազմակետն եմ, Հայաստան:

07.06.2021                          ©                                      Աշնակ

                              Արևածագը արևոտվել է Սուսեր գյուղում,

                       Մարդկայնությունը մարդոտվել է Սուսեր գյուղում,

                            Հոգուս կտորը հողոտվել է Սուսեր գյուղում,

                            Հրաժեշտը արցունքոտվել է Սուսեր գյուղում:

08.06.2021                         ©                                          Սուսեր

                             Սուսեր – Երևան. ուղի ապագայից ներկա

                                   Զգալով շունչն անցյալի:

                        Սուսեր – Երևան. քաղաքականությունը բացակա

                                 Լսելով լռությունը ժողովրդի:

08.06.2021                                 ©                         Սուսեր – Երևան

                               Սպանող մաքրության ապրեցնող գենը

                               Սպանում է կյանքում թպրտացող ես-ը:

                                Տի´ր, բազկատարած դիմում եմ քեզ,

                                 Արտոնի´ր մաքրության երթը հրկեզ:

08.06.2021                           ©                                Սուսեր – Երևան

                                          ԴԱՆԻԵԼԻՆ

                              Դատավորն Արարչի անարդար արդար է,

                              Արարիչն է մերժում անչափ չափը նրա:

                          Նպատակն անսասան ազգաստեղծ արդարն է,

                             Իսկ թշնամին լոկ` նյութը հոգու վրա:

                          Ես` քուրմս Վահագնի և աշակերտը կյանքի

                           Լռությամբ եմ ցնծում երթով Արեգակի:

08.06.2021                                 ©                                   Երևան

                                    Երկու իրականություն

                   Ոռնացող քարոզչություն ատելությամբ լեցուն,

                     Եվ մաքրության պատվար Սուսեր գյուղում,

                    Հայ եսը մտրակող ամբոխների «այո»-ն,

                     Եվ Սասնո բարձրիկ հոգին Սուսեր գյուղում:

                      Արդարության խոսքեր նյութապաշտ երախներից,

                       Եվ Սիրո մոլորակ Սուսեր գյուղում,

                      Բազմադեմ կուռքեր Չարի պատվանդանից,

                        Ամենահաղթ Բարին` Սուսեր գյուղում:

09.06.2021                           ©                                          Երևան

                                     ՎԱՐԴԱՆԻՆ

                        Վերելքը վայրէջք է առանց ընկերոջ,

                         Արդարն անպաշտպան է առանց ընկերոջ,

                         Րոպեն անավարտ է առանց ընկերոջ,

                         Դարն անիմաստ է առանց ընկերոջ:

                          Ասում եմ քեզ, ընկեր, գյուտ ես դու ինձ համար,

                          Ներկան էլ լուսառատ քո ներկայությամբ:

09.06.2021                          ©                                       Երևան

Թողնել պատասխան

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Փոխել )

Google photo

You are commenting using your Google account. Log Out /  Փոխել )

Twitter picture

You are commenting using your Twitter account. Log Out /  Փոխել )

Facebook photo

You are commenting using your Facebook account. Log Out /  Փոխել )

Connecting to %s