Աշխարհագրության և երկրաբանության ֆակուլտետի ՈՒԳԸ-ի առաջարկած թեմաները

1.ՀՀ-ում զբոսաշրջության զարգացման նախադրյալները:

2.Հյուրանոցների կառավարման առանձնահատկությունները:

3.Թուրքիայի տուրիստական գլխավոր շրջանները:

4.Աշխարհում խոշոր հյուրանոցային ընկերությունները:

5.Կրթության ազդեցությունը պահանջների ձևավորման վրա:

6.Սևանա լճի հիմնախնդիրը:

7.ՀՀ-ում բնակչության ազգային կազմը և տեղաբաշխումը:

8.Եվրոպայի տուրիստական,ռեկրացիոն ռեսուրսները:

9.Ասիայի նավթ արտահանող երկրների զարգացման առանձնահատկությունները:

10.Ճապոնիայի տնտեսության զարգացման գործոնները:

 

Խոսե՞նք գիտությունից

Աշխարհագրության և երկրաբանության ֆակուլտետի սերվիսի և զբոսաշրջության բաժնի II կուրսի ուսանողուհի, ֆակուլտետի ՈՒԳԸ նախագահ Անի Հակոբյանի հետ հանդիպումն առանձնահատուկ էր: Այդ մոտ մեկ ու կես ժամանոց հանդիպման բովանդակությունը փոխադարձ առաջարկություններին էին և դրանց իրականացման մեխանիզմների քննարկումը: Առանձնահատուկ էր նաև նրանով, որ, ինչպես հավաստիացրեց Անին, ֆակուլտետի դեկան, երկրաբանական գիտությունների թեկնածու Մարատ Գրիգորյանն իր անվերապահ աջակցությունն է հայտնել ֆակուլտետ-կրթահամալիր համագործակցությանը:

Մեր համագործակցության առանցքը կկազմեն համատեղ ձևակերպվող ու իրականացվող նախագծերը, այդ թվում` արդեն հրապարակված «Հետազոտական արշավային ճամբար» նախագիծը և գաղափարի փուլում գտնվող գիտաճանաչողական արշավներն ու հետազոտությունները (օրինակ` միգրացիայի հետ կապված): Կանցկացվեն վարպետության դասեր և մասնագիտական կողմնորոշման հիմնախնդրին նվիրված քննարկումներ: Բնականաբար, ինչպես մյուս ֆակուլտետների հետ համագործակցելիս, կարևորեցինք ուսանողի խորհրդատվական աշխատանքը սովորողի հետ:

Դեռ երեկ իմ ուշադրությունը գրավել էր մի պաստառ, որն ազդարարում էր «Գիտախոս» գիտահանրամատչելի մրցույթի անցկացման մասին: ԵՊՀ ՈՒԳԸ խորհրդի նախագահ Մհեր Հակոբյանն ինձ տեղեկացրեց, որ առաջին անգամ է այդպիսի մրցույթ անցկացվում: Նա առաջարկեց, որ կրթահամալիրի դասավանդողները և սովորողները ևս մասնակցեն այդ մրցույթին:

Կդիմանա՞նք գիտական նախագծերի շրջափակմանը…

04.04.2017                   ©                          Աշոտ Տիգրանյան

 

 

Հաջորդ ուղղությունը` սոցիոլոգիա

Սոցիոլոգիայի ֆակուլտետի ՈՒԳԸ նախագահ Հայկ Սմբատյանի հետ հանդիպելու առաջ հիշեցի, որ կարող էի էթնոսոցիոլոգ դառնալ և դասավանդել նույն Հայկին և իր ուգըական թիմին, սակայն չցանկացա լինել խորհրդային ամբողջատիրության գործիքներից մեկը:

Հայկին առաջարկեցի համագործակցության երեք ուղղություններ` սովորողների ուսանողական խորհրդատվություն, համատեղ նախագծեր և ուսանողների մասնակցությունը հասարակագիտական ստուգատեսին: Զրուցակիցս համագործակցության նոր ուղղություն չառաջարկեց: Դրա փոխարեն խոստացավ իմ առաջարկությունը քննարկել ՈՒԳԸ անդամների հետ և հնարավորինս արագ պատասխանել: Հուսանք` դրական: Համենայն դեպս ՈՒԳԸ նախագահը համաձայնվեց, որ մեր հավանական համագործակցությունը փոխադարձաբար օգտակար կլինի:

03.04.2017                   ©                  Աշոտ Տիգրանյան

Խաղարկային դատարանի երրորդ շնչառությունը

Քանի որ ԵՊՀ իրավագիտության ֆակուլտետի ՈՒԳԸ նախագահ Տիգրան Դադունցը սյունեցի է, իսկ ես էլ որոշակի լումա եմ ներդրել Սյունիքում, մեր գործնական հանդիպումը ջերմության երանգներով հարստացավ:

Պայմանավորվեցինք`

  1. Ուսանողները կմասնակցեն կրթահամալիրի կազմակերպած հասարակագիտական ստուգատեսին վարպետության դասերով և երկու մրցութային անվանակարգերում` գիտական կամ գիտահանրամատչելի հոդված և հրապարակախոսական հոդված;
  2. Կրթահամալիրի «Խաղարկային դատարան» կառույցի գործունեությանը իրավագետ ուսանողների մասնագիտական մասնակցությունը փոխադարձաբար օգտակար կլինի;
  3. Իրավական թեմաներ (կհրապարակվեն մոտ օրերս) սովորողների համար կազմակերպել անհատական երկարաժամկետ խորհրդատվություն:

Երևանի պետական համալսարանի արդեն հինգերորդ ֆակուլտետն է, որ համագործակցության մեր առաջարկին պատասխանում է բարյացակամ և գործնական «Այո»-ով:

06.03.2017                                  Աշոտ Տիգրանյան

«ՈՒԳԸ – ԱԳԸ. կրթական կամուրջներ» (երկարաժամկետ նախագիծ)

                           Նպատակ

Կայուն, երկարաժամկետ, բազմակողմանի և ամենօրյա համագործակցություն իրականացնել ԵՊՀ բոլոր ֆակուլտետների ուսանողական գիտական ընկերւթյունների հետ:

Խնդիրներ

  1. Բավարարել սովորողների գիտական հետաքրքրությունները;
  2. Զարգացնել և հմտության աստիճանի հասցնել սովորողների համագործակցային, հետազոտական, ստեղծական կարողությունները;
  3. Նպաստել սովորողների իրատեսական մասնագիտական կողմնորոշմանը;
  4. Ստեղծել համագործակցության նոր հարթակներ և ուղղություններ:

 Բովանդակություն

  1. Սովորողների հետազոտական աշխատանքների ուսանողական խորհրդատվություն;
  2. Համատեղ նախագծերի, այդ թվում` ճամբարային, իրականացում;
  3. Երրորդ կողմի` կրթական գործառույթներ իրականացնող այլ կառույցների հետ, փոխաջակցությամբ համագործակցության հաստատում:

Շահառուներ

6-11-րդ դասարանների սովորողներ, ուսանողներ, երեխաների մտային և սոցիալական կարողությունների զարգացմամբ շահագրգիռ ծնողներ ու հասարակական կառույցներ:

Ակնկալվող արդյունքներ

  1. Հետազոտական աշխատանքների արդյունքների պարբերական հրապարակումներ;
  2. Համատեղ նախագծերի գործնական հաշվետվություններ;
  3. Ճամբարային գործունեության բովանդակության հարստացում:

27.02.2017                    ©                 Աշոտ Տիգրանյան

Արևելագիտության ֆակուլտետի առաջարկած թեմաները

  1. Սասանյանների հաստատումը Իրանում: Պարթև Արտավանի գահընկեցությունը և լեգենդները Արտաշիրի մասին:
  2. Իսլամի շիական հայեցակարգը: Իրանը շիական Իսլամի կրող:
  3. Պարսից Շահ Աբաս Առաջինի կառավարման ժամանակաշրջանը: Հայերի բռնագաղթը Իրան:
  4. Ռուս-իրանական հարաբերությունները Սեֆյանների օրոք:
  5. Ալեքսանդր Մակեդոնացու արշավանքները: Իրանի նվաճումը:
  6. Եղիշեն զրադաշտականություն մասին: Ավեստան և նրա մասերը:
  7. Միջնադարյան Իրանի արևելյան հարևանները. Հոներ, հեփթաղներ:
  8. Օմար Խայամ. բանաստե՞ղծ, թե՞ գիտնական:
  9. Մուհամմադ մարգարեի կյանքն ու գործունեությունը
  10. Ի՞նչ է իսլամը
  11. Ղուրանը՝ Սուրբ գիրք
  12. Արևմտյան Սահրայի հակամարտությունը և սիրիական պատերազմը
  13. «Իսլամական պետություն» ահաբեկչական խմբավորման գործունեությունը
  14. Արաբա-իսրայելական հակամարտություն
  15. Արաբական գարուն
  16. Աբուլ-ալա-ալ-Մահարի
  17. Վահաբիականություն
  18. Միլլեթների համակարգը Օսմանյան կայսրությունում
  19. Հայկական համայնքը Թուրքայում. առաջացումից մինչև մեր օրերը
  20. Ռումի սելջուկյանների ռազմական ինստիտուտը

Առաջարկվող հիմնական թեմաներ և թեմաների շրջանակ

1.Վանի թագավորության պատմություն
2.Ջուղայի խաչքարերի և իսլամական արվեստի առնչությունների շուրջ
3.Կոթիի տարածաշրջանի տապանաքարերի առանձնահատկությունները
4.Հայոց ազգային-ազատագրական պայքարի պատմություն
5.Ազգային-ազատագրական պայքարի արտացոլումը ազգային երգարվեստում
6.Զորավար Անդրանիկի կերպարը գրականության և արվեստի ստեղծագործություններում:

Արևելքը գրքերի աշխարհում

Իմ երկխոսությունը ԵՊՀ արևելագիտության ֆակուլտետի ՈՒԳԸ նախագահ Ջեմմա Բադիկյանի հետ կայացավ կրթահամալիրի կենտրոնական ընթերցասրահում, որտեղ մեզ ոգևորում էին մարդկության հանճարները և տաղանդները: Զրույցը ծավալվեց մեր սկսվող համագործակցության ուղղությունների շուրջ: Պայմանավորվեցինք, որ հնարավորինս արագ կձևավորենք ուսանող- սովորող երկյակները, բնականաբար, իրենց հետաքրքրող թեմաների ուսումնասիրության ընթացքում անհրաժեշտ խորհրդատվությունն իրականացնելու նպատակով:Ուսանողները կանցկացնեն նաև վարպետության դասեր և կօգնեն կազմակերպել «Պետությունների մենամարտ» նախագծի (գաղափարի տեղայնացման հեղինակ` Էմանուել Ագջոյան) «Թուրքիա-Իրան»բաժինը:

Հասարակագիտական նախագծերի ստուգատեսին արևելագետ ուսանողների մասնակցության ձևաչափը պարզ կլինի այս շաբաթվա ընթացքում:

20.02.2017                           Աշոտ Տիգրանյան

Ֆիզիկայի ֆակուլտետի ՈՒԳԸ անդամների գիտական հետաքրքրությունների ցանկ

  1. Պլազմա.կայծակ (ինքնուրույն և ոչ ինքնուրույն պարպումներ),
  2. Օպտիկա. լազերներ և կարճ իմպուլսներ,
  3. Օտիկա. սպեկտր, ատոմների ճառագայթում,
  4. Մաքսվելի հրեշ:Թերմոդինամիկայի առաջին և երկրորդ սկզբունքները,
  5. Այլընտրանքային էներգետիկա,էներգիայի այլընտրանքային աղբյուրներ,
  6. Տարածաժամանակ, ժամանակի դանդաղում, Այնշտայնի հարաբերականության հատուկ տեսությունը,
  7. Քվանտային մեխանիկա, միկրոաշխարհ։Բորի պոստուլատներ, ատոմների կլանում և ճառագայթում,
  8. Էլեկտրոմագնիսական ալիքներ։Ռենտգենյան ճառագայթում,
  9. Միջուկային ճեղքում, ատոմակայան,
  10. Լույսի տարածումը մետաղների մակերևույթով,
  11. Հեղուկ բյուրեղներ. Անհասկանալի ագրեգատային վիճակ։ Լույսի կառավարումը հեղուկ բյուրեղների միջոցով։

Մեր գործընկերը կլինեն նաև ֆիզիկոս ուսանողները

ԵՊՀ ֆիզիկայի ֆակուլտետի ՈՒԳԸ եռյակի հետ հանդիպումը հետաքրքիր և արդյունավետ էր ոչ միայն այն պատճառով, որ իմ զրուցակիցներից երկուսը նաև դասավանդում են հանրակրթական հաստատություններում: Նրանց և մեր առաջարկություններից երեքը` բնագիտական ճամբար, հանրամատչելի թեմաներով պարապմունքներ սովորողների հետ, ֆիզիկայի հետաքրքրաշարժ դրսևորումներին նվիրված բլոգի վարում, նույնական էին: Մեր նոր գործընկերները պատրաստակամ են աշխատել սովորողների հետ խնդիրների լուծման ոլորտում: Մեր համագործակցության մյուս ուղղությունները` ուսանողական խորհրդատվություն ֆիզիկայից հետազոտական աշխատանք կատարող սովորողին, համատեղ նախագծերի իրականացում, կրթահամալիր — ուսանողների ծննդավայրերի դպրոցներ կապի հաստատում, ևս քննարկվեցին: Մոտ օրերս ֆիզիկայի ֆակուլտետի մի խումբ ուսանողներ կայցելեն կրթահամալիր: Հուսով եմ, որ ֆիզիկայով հետաքրքրվող սովորողներն այս հնարավորությունն առավելագույնս կօգտագործեն:

13.02.2017                                           Աշոտ Տիգրանյան