«Այլընտրանքային պատմության» անայլընտրանք պատմությունը

Մարդ+Եղածը+Շարունակվողը+Տիեզերական հաստատուն  = Պատմություն

                                         (Անհայտ մաթեմատիկոս)

Ինքնամեջբերում. «Այլընտրանքային պատմությունն անցյալի իրականության վարկածային պատկերն է, որը ձևավորվում է «Բոլոր փաստերը պետք է ուսումնասիրվեն, բոլոր տեսակետները պետք է քննարկվեն» սկզբունքի համաձայն, և ունի սահմանային գիտության կարգավիճակ:

Այլընտրանքային պատմությունն ունի երկու մակարդակ՝

Ա մակարդակ` դասագրքերում ներկայացվող պատմական իրականության մեկնաբանման այլ տեսանկյուն, նաև՝ կանխամտածված կերպով չներկայացվող փաստերի հավելումով,
Բ մակարդակ` անցյալի իրականության այն էջերի ներկայացում և վերլուծություն, որոնք մերժվում կամ անտեսվում են ակադեմիական գիտության ներկայացուցիչների կողմից:» («Դպիր» էլեկտրոնային ամսագիր, համար 5, 2017 թվական)

 «Այլընտրանքային պատմություն» նախագիծը ձևակերպվել և հրապարակվել է 2016 թվականի օգոստոսի 23-ին, սակայն այդ ուղղվածության առաջին տեքստը` «Հիպերբորեա. այլընտրանքային պատմության էջերից», կրթահամալիի կայքում հրապարակվել է 2015 թվականի հունիսի 20-ին: Իսկ մինչև նախագծի հրապարակումն այլընտրանքային պատմության տարբեր մակարդակներին և ոլորտներին վերաբերող ավելի քան 90 թարգմանություններ ու հեղինակային նյութեր են մատուցվել հանրությանը:

«Այլընտրանքային պատմություն» նախագծի իրականացման ընթացքում կրթահամալիրի կայքում, միջին դպրոցի ենթակայքում և սովորողների բլոգներում հրապարկվել է VI-XI դասարանցի187 հեղինակի 256 աշխատանք (չհաշված այն աշխատանքները, որոնք անվերադարձ կորել են): Բոլոր աշխատանքներն այժմ հավաքված են «Տիգրան Հայրապետյան» գրադարանի համապատասխան բաժնում: Կարևորում եմ, որ հրապարակված տեքստերի մոտ 2/3-ը հեղինակային նյութեր են: Պակաս կարևոր չէ նաև այն իրողությունը, որ նախագծային նյութերի հետ ծանոթացողների միջին թիվն այս պահին գերազանցում է 800-ը:

Հարկ եմ համարում ընգծել, որ «Այլընտրանքային պատմություն»-ն ըստ էության մեգանախագիծ է, քանի որ նրա արգանդից են ծնվել «Բռնադատվածներ», «Հետազոտական արշավային ճամբար» և «Քաղաքագիտական ակումբ» նախագծերը: Վերջինս «ապերախտ զավակի» նման ստվերել է իր ծնողին:

Համոզված եմ, որ երեք հնարավոր քայլեր կբազմապատկեն «Այլընտրանքային պատմություն»նախագծի մասնակիցների թիվը:

Քայլ առաջին` գնահատման իմ առաջարկած տարբերակը շահառուների քննարկմամբ կատարելագործել և տեղափոխել պիլոտային փորձարկման փուլ:

Քայլ երկրորդ` օգոստոսի 23-ը կրթահամալիրում հայտարարել Այլընտրանքային Պատմության Օր:

Քայլ երրորդ` «Այլընտրանքային պատմություն»նախագծի մասնակիցներին տալ ակումբային կարգավիճակ և հայտարարել ակումբի ղեկավարի մրցույթ, որին տողերիս հեղինակը չի մասնակցի, քանզի բավ են իրեն բռնադատվածները և քաղաքագետները:

Այս դեպքում «Քայլ» հասկացության շուրջը բորբոքվող կրքերն ինձ չեն հուզում:

 

23.05.2020                        ©                   Աշոտ Տիգրանյան

Անհատական աշխատանքային պլան (Չորրորդ ուսումնական շրջան. 25.05-30.06.2020)

  1. Ինքնակրթություն համապատասխան նախագծով;
  2. «Այլընտրանքային պատմություն» նախագծի իրականացման փուլային հաշվետվություն;
  3. «Սասնա ծռեր. բովանդակային ենթաշերտեր» նախագծի համագործակցային իրականացում;
  4. Մանկավարժական հոդվածների հեղինակում;
  5. Դասավանդողների աշխատանքային հայտերի գնահատման աշխատանքային խմբի անդամի պարտականությունների կատարում;
  6. Մասնակցություն Գրական ակումբի քննարկումներին;
  7. Ամառային նախագծերի` «Հետազոտական արշավային ճամբար», «Հանրապետական պատանեկան ճամբար», նախապատրաստական փուլի շարունակում;
  8. Մասնակցություն ավագ դպրոցի մուտքի ճամբարին «Նախագծային գործունեություն» թեմայով;
  9. Մասնակցություն կրթահամալիրի մանկավարժական խորհրդի բոլոր առցանց հանդիպումներին:

 

21.05.2020                  ©                    Աշոտ  Տիգրանյան

Գնահատման տարբերակ

Մանկավարժական աքսիոմ. Գնահատումը կրթական համակարգի անփոխարինելի բաղկացուցիչն է: Ժամանակի ընթացքում փոխվում են նրա դրսևորման ձևերը, բայց ոչ էությունը:

Կրթահամալիրում ուսումնական գործունեությունը ծավալվում է երկու ուղղություններով` հանրակրթական առարկաների յուրացում և նախագծային գործունեություն:

Առաջարկում եմ գնահատման չորս մակարդակ, որը կարող է կիրառվել երկու ուղղություններում էլ:

Առաջին մակարդակ` գիտելիքի յուրացում և/կամ կարողության ձեռքբերում: Երկրորդ մակարդակ, որը միաժամանակ ինքնակրթության առաջին մակարդակն է, գիտելիքի հավելում և/կամ հմտության ձևավորում: Երրորդ մակարդակ (ինքնակրթության երկրորդ մակարդակ)` գիտելիքի ստեղծում և/կամ նոր կարողության կայացում: Չորրորդ մակարդակ` գիտելիքի հանրայնացում և/կամ կարողության փոխանցում («Կրթական ինքնավարություն» նախագիծ):

Վերոնշյալ մակարդակները կարելի է թվայնացնել, քանի դեռ լիարժեք չենք հրաժարվել սովորողի գործունեության թվային գնահատումից:

Առաջին մակարդակ (մեկ ուղղության և մեկ բաղկացուցչի` գիտելիք կամ կարողություն, դեպքում) – 4

Առաջին մակարդակ (մեկ ուղղության և երկու բաղկացուցչի դեպքում) – 5

Առաջին մակարդակ (երկու ուղղություն և մեկական բաղկացուցիչ) – 6

Առաջին մակարդակ (երկու ուղղություն և երկու բաղկացուցիչ)- 7

Երկրորդ մակարդակ (մեկ ուղղություն և մեկ բաղկացուցիչ) – 5

Երկրորդ մակարդակ (մեկ ուղղություն և երկու բաղկացուցիչ) – 6

Երկրորդ մակարդակ (երկու ուղղություն և մեկական բաղկացուցիչ) – 7

Երկրորդ մակարդակ (երկու ուղղություն և երկու բաղկացուցիչ) – 8

Երրորդ մակարդակ (մեկ ուղղություն և մեկ բաղկացուցիչ) – 6

Երրորդ մակարդակ (մեկ ուղղություն և երկու բաղկացուցիչ) – 7

Երրորդ մակարդակ (երկու ուղղություն և մեկական բաղկացուցիչ) – 8

Երրորդ մակարդակ (երկու ուղղություն և երկու բաղկացուցիչ) – 9

Չորրորդ մակարդակ (մեկ ուղղություն և մեկ բաղկացուցիչ) – 7

Չորրորդ մակարդակ (մեկ ուղղություն և երկու բաղկացուցիչ) – 8

Չորրորդ մակարդակ (երկու ուղղություն և մեկական բաղկացուցիչ) – 9

Չորրորդ մակարդակ (երկու ուղղություն և երկու բաղկացուցիչ) – 10

Ծանոթություն. Եթե սովորողի թվանշանը երկրորդ մակարդակում 5 է, իսկ առաջին մակարդակում` 7, ամփոփիչ թվանշանը դրվում է 7: Նշվածը հուշում է մյուս բոլոր նմանաբնույթ իրողությունների դեպքում դասավանդողի անելիքը:

 

10.05.2020                     ©                          Աշոտ Տիգրանյան

Հազարամյակի հանդիպում (հաշվետվության փոխարեն)

Արևածագը հիասքանչ է, նույնիսկ` չնաշխարհիկ, նույնիսկ` մայրամուտը, բայց անտանելի գիտնականներն ասում են, որ արևի վրա բծեր կան: Ո՞վ է ճիշտ: Իհարկե` ՏԵՍԱՆԿՅՈԻՆԸ:

Իրավացիորեն նոմինալիզմով1 է ներծծված հեղինակային մանկավարժության հեղինակների ստեղծագործական առցանց հավաքի բովանդակությունը:

Պայծառ երեխաներ: Ուսուցիչ ծնողներ: Սովորող տատիկներ: Սա իրականություն է` կրթահամալիրի բազմատոնը:

Սակայն նաև…

Եթե գյուղական կյանքը նախագիծ չէ, այսինքն` նախագիծն առօրյայից դուրս է, իսկ Օրացույցը մեր առօրյան է, ուրեմն`այնտեղ նախագծեր չկան: Նախագծային գործունեությունը օրացույցից դուրս է:

Եթե որևէ հեղինակ իր նյութի մեկնաբանությւնները չի կարդում, ուրեմն` կարևորություն չի տալիս կամ իր նյութին, կամ այլոց կարծիքին, իսկ եթե կարդում է, բայց չի արձագանքում, ուրեմն`… (կարդա ընդգծվածը)

Եթե մարդուն պարտադրում են կարծիք հայտնել որևէ բանի մասին, ուրեմն` կարևորում են կամ նրա կարծիքը, կամ իրենց իշխանությունը, կամ էլ երկուսը միասին:

Երբ վարպետության դաս վարողը լավ չի նախապատրաստվում հաճախակի դիմում է մասնակիցներին, թե ինչ հարցեր ունեն: Այսինքն` հարցասիրությունն անպատասխանատվության փրկիչն է, քննարկվող հիմնախնդրին մակերեսային, ոչ համակարգային մոտեցման խթանը:

Երևույթների և իրադարձությունների էության ու բազմաշերտության ընկալումն ու տարիքը ուղիղ համեմատական չեն: «Ձեր տարիքի համար չէ», այսինքն` հասկացողը աննորմալ է (նորմայից դուրս է), արդյունքում` ինքնասիրահարված «պինգվին», կամ բարդութավորված «կարիճ»:

Եթե 31 մարդ հավանում է երաժշտությունը, բայց այն մինչև ավարտ լսում 16-ը, ուրեմն` կամ թվային տեխնոլոգիաներն են խելագարվել, կամ նվաստս այլ իրականությունում է:

Սակայն նաև…

Ստեղծագործող երեխաներ: Համագործակցող ծնողներ: Դարափոխ տատիկներ: Սա իրականություն է` կրթահամալրի ներկա ապագան:

 

Աղբյուրներ`

Մայիսյան հավաքի կլոր սեղաններ

Հասարակագիտական- էկոլոգիական նախագծեր

Մեդիագրագիտություն և քննադատական մտածողություն (վարպետության դասը վարում է ծնող Սառա Խոջոյան)

Ինչպես ստեղծագործել (վարպետության դասը վարում է ծնող Ջեննի Բալյանը)

Խոսքի վարպետության դաս (վարում է ծնող Մերի Մակարյանը)

Էլեկտրոնային կենդանի իմպրովիզ

 

08-09.05.2020                      ©               Աշոտ Տիգրանյան

 

  1. Նոմինալիզմ – միջնադարյան փիլիսոփայական ուղղություն, ըստ որի` ընդհանուր հասկացությունները առանձնակի առարկաներից դուրս գոյություն չունեն և միայն վերջիններիս անվանումներն են: Բնութագրական մեջբերում. «… Գաղափարը առարկայի նշանն է. իսկ պատկերը` գաղափարի նշանը, ասել է թե` նշանի նշանը: Բայց ըստ պատկերի` ես կարող եմ վերականգնել եթե ոչ մարմինը, ապա այն գաղափարը, որ մյուսներն ունեն դրա մասին: … իսկական իմացությունը չպետք է բավարարվի գաղափարներով,  որոնք նշաններ են ուղղակի, այլ պետք է բացահայտի առարկաները` իրենց եզակի իսկությամբ: …» (Ումբերտո Էկո. «Վարդի անունը», էջ 456)

 

Հետգրություններ

  1. Ընտանեկան դպրոցների հոդվածագրոհին մուսաս, գուցե՞ դեռ կանդրադառնա:
  2. Վերոշարադրյալ տեքստի լեզվական և տրամաբանական սխալները միտումնավոր են:

 

Ապրիլյան օրագիր

01.04

  1. Արցախի նախագահական ընտրությունների նախնական արդյունքները
  2. Արցախի խորհրդարանում ներկայացված կլինի 5 քաղաքական ուժ
  3. Ազգ, թիվ 45, 2019, Հայաստանը ամերիկյան և ռուսական օլիգարխիաների միջև, Ստամբուլում տեղադրվել է Կոմիտասի արձանը, Ցավով ու զարմանքով, Կոռուպցիայի դեմ պայքար` կուսակցական քվոտայով, Ցոյցերու տենդը, Թուրքական իշխանությունները հազիվ թե հրաժարվեն Հայոց ցեղասպանության ժխտողականությունից, Ի՞նչն ենք «պահելու» 2020 թ.-ի բյուջեում, Ուղերձներ Բիշքեկից, Ժամանակն է, որ ինքներդ ժառանգություն թողնելու ուղղությամբ մտածեք, Հիվանդագին չընդունե´նք, Երբ հիմնախնդիրը տեսադաշտում չէ` ՀՀ տնտեսությունը, Կոմիտաս վարդապետ և Հովհ. Թումանյան, Մոծակները, Թուրքիայում վաճառքի է հանվել հայ ճարտարապետի կառուցած օսմանյան բաղնիքը, Սարո Բենգլյանը դատական նոր դիմում է ներկայացրել, «Ախթամարի» լեգենդը թուրքական ռոք խմբի տեսահոլովակի թեմա, Չափն անցնելով անչափ չեք դառնում, Առաջին աշխարհամարտի ռուսական բանակի հայ գերիները, Վարկերն ու նրանց բերած վայերը, Քրեակատարողական հիմնարկները կդառնան տանելի, Իրանը չպետք է ուշացնի բարեփոխումները, Փենսը ինչո՞ւ էր թռել Էրբիլ, Գիրքը վերարժևորվում է, Նենսի Գրիգորյանի «Զաբելը» բեմականացվել է, Ցնցում և ունայնություն, Թակեցե´ք, և կբացվի ձեզ… Արա Հովհաննիսյանի անհատական առաջին ցուցահանդեսը, Նոր գիրք, Ակնթարթներ
  4. Հայաստանի Հանրապետություն, թիվ 56, 2020, Հեռավար քննարկում ՏՏ ոլորտի ընկերությունների հետ, 21 հազար համակարգչային սարքի պահանջ, Ի՞նչ առնչություն ուներ Կոմիտասի հետ կոմպոզիտոր Հարտմանը, «Ես փրփրադեզ ալյաց մեջը դեռ իմ հույսը չեմ կտրի…», Տնտեսական դժվարության պատճառներից մեկը, Զարգացած տեխնոլոգիաների դարաշրջանում որակյալ մարդկային ռեսուրս կրթելը հրամայական է, Սրիեղցի կոչվող հայոց հնամենի սրբությունը, Ipse dixit, Մասիս Մայիլյանի մուտքը ՌԴ, իրոք, արգելված է, 1920 թ. միայն Ղարաբաղում 10 հազար զոհ ենք ունեցել, Ինչի մասին են պայմանավորվել G20-ի երկրները, «Վարակի դեմ կռիվը նույնպես սահմանապահ առաքելություն է», «Մոլեգնող վիրուսը հստակ ցուցադրում է պատերազմի անմտությունը», Մեր երկրի ամենահայտնի խորհրդանիշներից մեկը, Ունենք ամենակարևորը` անխափան աշխատող երկաթուղի դեպի նավահանգիստներ, Հայաստանը պատրաստ է այնքանով, որքանով աշխարհը, Սոցիալական աջակցության առաջնահերթ թիրախում պետք է լինեն կորոնավիրուսի հետևանքով գործազուրկ դարձած քաղաքացիները, Հավաքվել է 691470587.8 դրամ, Աշնանացան ցորենի 155 հազար տոննա բերք, Խորհուրդներ բժշկից, Քայլել տեղում, մեդիտացիայով զբաղվել և ալկոհոլ չխմել, Բելգիայում կատուն տիրոջից կորոնավիրուսով է վարակվել, Այսօր` մարտի 28-ին, Վաղը` մարտի 29-ին, Երկուշաբթի` մարտի 30-ին, Հավանաբար, կչեղարկվի նաև ֆուտբոլային տրանսֆերների շրջանը, Ամռանը եվրոպական ֆուտբոլային շուկան կարող է փլուզվել
  5. Լուրեր (Հ1, 21.00)
  6. Հորիզոն (Շանթ, 22.00)
  7. «Քաղաքագիտական ակումբ» նախագիծ. «Կորոնավիրուսը և հասարակությունները» (հեղինակներ` 4-րդ դասարանցի Արեգ Հարությունյան և մայրը` Լուսինե Միրզոյան)
  8. Գ/Ֆ «Սուրբ Օգոստինոս» (մաս երկրորդ)

Շարունակել կարդալ

Հանրապետական պատանեկան ճամբար (նախագիծ)

Նպատակները` 1. Դպրոցականների արժեհամակարգում պետության` որպես ազգի ինքնակազմակերպման բարձրագույն ձևի արժևորում; 2. Նպաստել սովորողների քաղաքացիական կրթությանը; 3. Ձևավորել Երևանում և մարզերում ապրող պատանիների համագործակցության կայուն հարթակ:

Խնդիրները` 1. Սովորողների քննական, վերլուծական մտածողության զարգացում; 2. Սովորողների հաղորդակցական հմտությունների ամրակայում; 3. Երևանում և մարզերում ապրող պատանիների նույնական և առանձնահատուկ հիմնախնդիրների ու նրանց լուծման տարբերակների իմացության ապահովում, նաև` հիմնախնդիրների լուծման համար անհրաժեշտ հմտությունների ձևավորում:

Թիրախային խումբ` 8-11- րդ դասարանների սովորողներ:

Ճամբարականներ` մեկական խումբ` մեկ ուսուցիչ և 5 աշակերտ, յուրաքանչյուր մարզից:

Անցկացման վայրեր` Երևան, «Մխիթար Սեբաստացի» կրթահամալիր, Արատեսի դպրական կենտրոն:

Անցկացման ժամկետը` 21-30.08.2020

Բովանդակությունը` Ա. հանդիպում-քննարկումներ մասնագետների հետ`

  1. Իրավագետներ. թեմաներ` «ՀՀ քաղաքացու իրավունքներն ու պարտականությունները», «Պատանիներին առնչվող իրավական դաշտը», «Միջազգային իրավունք»;
  2. Հասարակական կազմակերպությունների ակտիվիստներ. թեմաներ` «Ակտիվ քաղաքացին մարդու իրավունքների պաշտպան», «Քաղաքացիական հասարակության արժեհամակարգը», «Հասարակական կազմակերպությունները պետության հզորացման գործոն»;
  3. Մշակութաբաններ. թեմաներ` «Մշակույթ. անհատ և հասարակություն», «Հայկական էպոսը գործունեության ուղեցույց»;
  4. Հոգեբաններ. թեմաներ` «Հոգեբանական գիտելիքների գործնական նշանակությունը», «ՀՀ ազգային փոքրամասնությունների էթնոհոգեբանական առանձնահատկությունները»;
  5. Քաղաքագետներ. թեմաներ` «ՀՀ քաղաքական դաշտը», «ՀՀ արտաքին քաղաքականության հիմնախնդիրները»:

Բ. Համագործակցային և վերլուծական կարողությունները զարգացնող թիմային խաղեր:

Գ. Ճամբարականների կլոր սեղաններ փորձի փոխանակման և տարբեր գործնական նախագծեր ձևակերպելու նպատակով:

Դ. Ազգային երգի ու պարի ուսուցում:

Ե. Մասնակցություն շրջակա միջավայրի բարեկարգմանը:

Զ. Այցելություններ մշակութային օջախներ:

Է. Հայրենագիտական ճամփորդություն Վայոց ձորի և Գեղարքունիքի մարզերում:

Ը. Մարզական պարապմունքներ և մրցումներ:

Ֆինանսական ծախսերը` 2,5 միլիոն դրամ:

Կրթական մտորումներ կորոնավիրուսային աշխարհի լուսանցքում(առանց հասկացություններ սահմանելու)

Կորոնավիրուսը փոխում է աշխարհը, թե՞ Տեսանողների դիտանկյունը: Այս քաղաքակրթական, աշխարհաքաղաքական և անհատական խմորից թխվածը հաստատ վարակված է, բայց ինչո՞վ…

Ես` XXI դարի Դիոգենեսս, որ կարասը փոխարինել է քարե հարմարավետ լուսանցքով, դեռ չեմ հասունացել Իրականությունը վերլուծելու աստիճան, բայց համարձակվում եմ հայացք նետել կրթական համայնապատկերի վրա և փորձել հասկանալ, թե ինչը ինչով ենք փոխարինել ստիպողաբար:

Լքել ենք այն մթնոլորտը, հրաժարվել ենք այն էներգետիկայից, որը միավորում է կամ պառակտում, գեներացնում (թող ներեն չինովնիկները) սեր կամ այլ զգացմունքներ, բայց ապրում է միայն ֆիզիկական իրականության դաշտում: Առանց այդ էներգետիկայի Մենք-ի և Ես-ի ինքնաճանաչման գործիքակազմից (թող կրկին ներեն չինովնիկները) մի կարևոր, հորատող գործիք է պակասում:

Փոխվել են դասագործընթացի համատեքստն ու խորապատկերը: Ընդ որում և´ անշունչ, և´ շնչավոր տարրերը: Շենքը դեռ դպրոց չէ, բայց դպրոցը նաև շենք է: Դասարանական հավաքանին, որ հորիզոնական և ուղղահայաց կապերի, քարկապերի և  կտրվածքների բարդագույն կառույց է, իր գործոնի ազդեցությունն էականորեն թուլացնում է ֆիզիկական իրականությունից դուրս: Իսկ խորապատկերը, որի առաջնաբեմում կրթությունն է, կարող է նաև զգայարանների ընկալման տիրույթում չլինել: Բայց անկախ այդ իրողությունից տարբեր է այն դպրոցում և տանը, ֆիզիկական իրականությունում և էլեկտրոնային իրականությունում:

Լռությունը ճչում է ականջիս տակ. «Մի´ մոռացիր իմ մասին»: Ո´չ, ով լսել է դասարանի լռությունը, որտեղ ծնվում և հասունանում են մտքերն ու զգացմունքները, մոտ կամ հեռու տարածքներ, ժամանակի երեք չափումների միջով ճամփորդության է մեկնում երևակայությունը, չի կարող այն մոռանալ:

Բայց բավ է կորուստների մասին (նրանք թվարկվածներով չեն ավարտվում):

Մեր օրերում (թե՞ կորոնավիրուսի օրերում) ավելի է կարևորվում մի արժեք, որ անվանվում է ինքնակրթություն:

Ինքնակրթություն, այսինքն` սովորել, սովորել, սովորել, այսինքն` ցանկություն, հմտություն, պատասխանատվություն:

Անտրամաբանական եզրափակումից առաջ մի գործնական առաջարկություն` 2020-2021 ուստարվա առարկայական ծրագրերում առանցքային դարձնել 3 բան`

  1. Հասկացությունների, օրենքների և օրինաչափությունների յուրացում;
  2. Ինքնակրթական հմտությունների ձևավորում;
  3. Արտաառարկայական մոտեցում, այսինքն` այլ առարկաների տեղեկույթի և մեթոդների ներառում:

Կորոնավիրուսը և կրթությունը երկու նմանություն ունեն: Երկուսն էլ սկսվում են «Կ» տառով և երկուսն էլ վարակիչ են: Միայն թե վիրուսն անցնում է մարդուց մարդուն, իսկ կրթության տարածման ուղիները բազմազան են…

 

21.04.2020                          ©                      Աշոտ Տիգրանյան

 

Հ.Գ. Սույն տեքստը հաղթահարած ընթերցողին խնդրում եմ հիշել, որ լուսացքում Իրականության ըմբռնման այլ կանոններ են պատեպատ խփվում:

Հեռավար ուսուցում. 20.04-24.05

Ձեր աշխատանքներն  ուղարկեք a.tigranyan@mskh.am  հասցեով:

7-րդ դասարանԱռաջադրանքներ`

  1. Վերլուծել անհատի դերը միջնադարում;
  2. Ապացուցել, որ մարդկության պատմության միջնադարն ավարտվել է;
  3. Համեմատել հին աշխարհի և միջնադարի ձեռքբերումները;
  4. Կազմել ուշ միջնադարյան Հայաստանի առանցքային իրադարձությունների վարկանիշային աղյուսակը (առաջին եռյակի ընտրությունը հիմնավորել);
  5. .Սահմանել հայկական միջնադարի 10 կարևորագույն հասկացությունները (ընտրությունը հիմնավորել):

Աղբյուրներ`

Անհատը միջնադարյան Եվրոպայում

Դասային միապետության բնույթը և զարգացումը

Յան Հուս

Փ/Ֆ «Յան Հուս»

Փ/Ֆ «Օսմանյան կայսրություն»

Փ/Ֆ «Կայսրության կործանումը. բյուզանդական դաս»

Փաստի իշխանությունը. Միջնադար. XXI դարի նորագույն հեքիաթը

Հայաստանը ուշ միջնադարում

Հայաստանը ուշ միջնադարում

Հայաստանը 15-17-րդ դարերում

Հայաստանը XVII դարի թուրք – պարսկական պատերազմների շրջանում

Ս. Էջմիածնի և Սեբաստիայի գաղտնի խորհրդաժողովները

Աշխարհագրական մեծ հայտնագործություններ

Աշխարհագրական մեծ հայտնագործությունների դարաշրջանը

Դանթե Ալիգիերի«Աստվածային կատակերգություն»

Լեոնարդո դա Վինչի` հանճար, որ երբեք չի բացահայտվի

Փ/Ֆ «Լեոնարդո դա Վինչի: Մարդ-հանելուկ»

Էրազմ Ռոտերդամցի«Գովք հիմարության»

Թոմաս Մոր«Ուտոպիա»

Մարտին Լյութեր. կյանքն ու թողած ժառանգությունը

Նիդերլանդական հեղափոխություն. Հյուսիսն ընդդեմ Հարավի

Շարլ դը Կոստեր«Ուլենշպիգելի և Լամմե Գուձակի լեգենդը»

Վեստֆալյան հաշտություն. շրջադարձային կետ Եվրոպայի պատմության մեջ

XVI- XVII դարերի գիտական հեղափոխությունը

Ֆրենսիս Բեկոն«Նոր Ատլանտիդա»

Փ/Ֆ «Նիկողայոս Կոպեռնիկոս»

Փ/Ֆ «Ջորդանո Բրունո»

Փ/Ֆ «Գալիլեո Գալիլեյ. բոլոր ժամանակների հանճարը»

Պարզաբանում. Սովորողն իր ընտրությամբ կատարում է 1-3 առաջադրանք:

8-րդ դասարանԱռաջադրանքներ`

  1. Համեմատեք հայ ազգային կուսակցությունների ծրագրերը;
  2. Վերլուծեք նոր ժամանակներում ձևավորված գաղափարախոսությունների հիմնադրույթները;
  3. Համեմատեք միջնադարի և նոր ժամանակների ձեռքբերումները;
  4. Սահմանեք նոր ժամանակների իրականության 10 կարևորագույն հասկացությունները (վերջիններիս ընտրությունը հիմնավորեք);
  5. Վերլուծեք անհատի դերի փոփոխությունները նոր ժամանակների տարբեր փուլերում:

Աղբյուրներ`

  Արմենական կուսակցություն. ծրագիրը և կառուցվածքը

 Սոցիալ դեմոկրատ Հնչակյան կուսակցություն

Հայ Յեղափոխական Դաշնակցություն

Դաշնակցությունը, մասոնականությունը և

երիտթուրքականությունը

Պահպանողականություն

Լիբերալիզմի քաղաքական գաղափարների կայացումը

 Ազգայնականություն

Սոցիալիզմ

Կոմունիզմ

Քաղաքական կուսակցություններ

Կուսակցությունների ձևավորումը Արևմուտքում

 Միջնադարի 10 մեծագույն հայտնագործությունները

Միջնադարի ձեռքբերումները

Միջնադարյան գիտության և տեխնիկայի նվաճումները

Միջին դարերի ժամանակաշրջանի նվաճումները

Միջնադարյան դարաշրջանի տեխնիկական հայտնագործությունները և գիտական ձեռքբերումները

Նոր ժամանակների հայտնագործությունները

Արդյունաբերական հեղափոխության 10 հայտնագործությունները

Նոր ժամանակների գիտությունը

Նոր ժամանակների մշակույթի հիմնական գծերը և նվաճումները

Տեսաֆիլմ «Արդյունաբերական հեղաշրջման տեխնիկական հայտնագործությունները»

Տեսաֆիլմ «Արդյունաբերական հեղափոխություններ. նվաճումներ և հիմնախնդիրներ»

Վերածննդի դարաշրջանի մարդը

Անհատի դերը հասարակական կյանքի տարբեր ոլորտներում

Պատմության մեջ անհատի դերի մասին

Նոր ժամանակների մարդը

Նոր ժամանակները բանականության պաշտամունքի դարաշրջան

Անհատի երեք սահմանումները

Սուբյեկտը և պատմության շարժիչ ուժերը

Պարզաբանում. Սովորողն իր ընտրությամբ կատարում է 1-3 առաջադրանք:

9-րդ դասարան – դիտեք և վերլուծեք «Սկիզբ» հաղորդաշարի ֆիլմերը կամ ինձ ուղարկեք քննական հարցաշարի առաջադրանքներին Ձեր բանավոր պատասխանների տեսագրությունները:

10-րդ դասարան – Կարդացեք հետևյալ նյութերը` «Ամենատարածված պատմական մոլորությունները», «Պատմական մոլորություններ», «Հանրամատչելի պատմական մոլորություններ», հավելեք այդ տեղեկույթն այլ աղբյուրներից ձեռք բերված նյութերով և կատարեք հետազոտական աշխատանք «Պատմական մոլորություններ. պատճառներ, բովանդակություն և հաղթահարման ուղիներ» թեմայով

11-րդ դասարան – Ձեր ընտրությամբ կարդացեք ՀՀ մարդու իրավունքների պաշտպանի 2019-ի տարեկան հաղորդման բաժիններից որևէ մեկը և վերլուծեք դրա բովանդակությունը :

Մարտյան օրագիր

01.03

  1. Հիտլերի ԴՆԹ-ի հետազոտման արդյունքները
  2. Թուրքիան թակարդի ճանապարհին
  3. Հարձակում Արդեններում
  4. Դեմոկրատների ճակատամարտը Սպիտակ տան համար
  5. Կրթահամալիրի տնօրենը Արմնյուզի եթերում
  6. Գրական թերթ, թիվ 43-44, 2019, ՀԳՄ նախագահության նիստում, Էդվարդ Միլիտոնյան. «Երկու 20-ը ջահելության և խոհեմության խորհրդանիշ», Առաջարկություն, Թումանյանական ժողովածուներ` հայերեն և վրացերեն, Գևորգ Ասատրյան. «Գրականության և համերաշխության տոն», Թովմա քահանա (Վահան) Անդրեասյան. «Հայ գրականությունը և հայ ժողովրդի պատմությունը», Ամսվա հարցը. Կորյուն Առաքելյան, Մադլեն Գարագաշյան, Դիանա Համբարձումյան. «Կանաչ մարգագետնի հմայքը» (հատված վեպից), Սուսաննա Հովհաննիսյան. «Բանաստեղծություններ», Սամվել Բեգլարյան. «Աֆորիզմներ», Ժաննա Բեգլարյան. «Բանաստեղծություններ», Մանվել Միկոյան. «Բանաստեղծություններ», Աբիգ Ավագյան – 100, Ալիս Հովհաննիսյան. «Կենդանական աշխարհը մեր տեսադաշտում», Վանո Եղիազարյան. «Նոր մտածողություն` Ազատ Եղիազարյանի գրականագիտական ակնարկում», Հակոբ Հարություն. «Բանակռվով անցած ճշմարտություն», Վահրամ Թաթիկյան, Շանթ Մկրտչյան. «Որսած գեղեցկություններ», Պատմություն մեծ ու ցավոտ սիրո մասին, Թորոս Թորանեան. «Վարուժանի «Հացին երգը»` թուրքերեն»
  7. Լուի դը Ֆյունես. ֆրանսիական կինոյի լեգենդը
  8. Հեռանկար. Տիգրան Ավինյան
  9. Հեռանկար. Արթուր Խաչատրյան
  10. Հրապարակ, թիվ 32, 2020, Էլի Սերժն է մեղավոր, Սերժ Սարգսյանի դեմարշը, Քոչարյանի նիստին գնալն իրենց աշխատանքն է, Ես քարոզչություն եմ անելու ոչ թե որպես մարզպետ, այլ` ՔՊ զինվոր, Դուք եկել եք պաշտպանելու արդարադատությունը, Ես իմ շրջապատում որևէ «վնգստացող դատավոր» չեմ ճանաչում, Կորոնավիրուսը` փող աշխատելու հնարավորություն, Կքվեարկեն հեռակա կարգով, ԲՀԿ-ն իր լիցենզավորված անդամներին չի տա «ոչ»-ին, Քննչականի թիրախում Ջոն Ֆարխոյանն է. Վերմիշյանը նրա դեմ ցուցմո՞ւնք է տվել, Ի վերջո, ինչո՞ւ խմբակցությունից դուրս եկավ Ուրիխանյանը, Քանդե´ք բարիկադները «նրանց» ու «ձերոնց» միջև, դարձեք բոլոր հայերի երազանքների առաջնորդը, Ադրբեջանական լկտի քարոզչությանը` 0 արձագանք Հայաստանից, Թող առողջ մրցակցություն լինի, ես որևէ խնդիր չեմ տեսնում, Ծաղկաձորում թուրքե՞ր են, թե՞ Թուրքիայից ժամանած հայեր, Փաշինյանը վերարտադրում է ՀՀԿ-ի արատավոր ավանդույթները, Եթե այսօրը լիներ վերջինն իմ կյանքում, Առաջ «չամադաններով» Բաղրամյան 26 էին գնում, հիմա` «Դվին» ռեստորան, Կառավարության կողմից փոխհատուցում պետք է տրվի
  11. Կիրակնօրյա լուրեր
  12. Հանրային քննարկում. «Մարտի 1-ի» ողբերգությունից 12 տարի անց (մասնակիցներ` Ռուզան Հարությունյան` Տիգրան Աբգարյանի մայրը, Սարգիս Քլոյան` Գոռ Քլոյանի հայրը, Էդիկ Հարությունյան` Սամվել Հարությունյանի հայրը, Աննա Հովհաննիսյան` Տիգրան Խաչատրյանի մայրը, Վաչագան Ֆարմանյան` Արմեն Ֆարմանյանի հայրը)

 

02.03

  1. Կորոնավիրուսը խնայո՞ւմ է երեխաներին
  2. Կորոնավիրուսի իրական աղբյուրը
  3. Կորոնավիրուսը և օդի մաքրությունը
  4. Ռուսաստանը հարևաններից պահանջում է վերադարձնել պարտքը
  5. Փաստեր և հորինվածքներ ռազմական հակահետախուզության մասին
  6. Փաշինյանը կորոնավիրուսի մասին
  7. «Կրթական ինքնավարություն» նախագիծ. «Հերթական հետաքքիր հանդիպումը»
  8. Հրապարակվեց իմ փետրվարյան օրագիրը
  9. Հորիզոն (Շանթ, 20.00)
  10. Լուրեր (Հ1, 21.00)
  11. Համաշխարհային մտավոր խաղեր. Նիկաս Սաֆրոնովն ընդդեմ Անատոլի Վասերմանի
  12. Мир криминала, № 5, 2020, Месть за разрушенную мечеть (стр. 2-3, также – Индийский 9/11), Главный «приз» Джона Эвери (стр. 4-5, также – Биография Генри Эвери, самый успешный пират), Марш обречённых (стр. 6-7, также- Батаанский марш смерти), Кейптаун – столица ужаса (стр. 8-9, также – Насколько опасна Южная Африка?), Капкан для Дракулы (стр. 10-11, также – Влад Цепеш, Граф Дракула: всеобщий ужас и мировой феномен), Аферисты с берегов Волги (стр. 12-13), Смерть в раю (стр. 14-15, также – Багамы – убийство века и Гарри Окс), Начальник Жеглова и Шарапова (стр. 16-17, также – Александр Михайлович Урусов – комиссар милиции III ранга), Охота на боссов мафии (стр. 18-20), Криминальный календарь. Март (стр. 21), Бунт против неверных (стр. 22-23, также – Уроки туркестанского восстания), С палачом по жизни (стр. 24), Словарь блатного жаргона (стр. 25), Гибель премьера Горемыкина (стр. 26-27, также – Тайна гибели Ивана Горемыкина), Гений «эпохи джаза» (стр. 28-29, также – Фрэнсис Скотт Фицджеральд), Елена Яковлева, Портрет Петра I (детектив-загадка, стр. 31), Криминальные курьёзы (стр. 33), По зову бездны (стр. 34-35, также – Сердце белого офицера, Жизнь, любовь и смерть Марины Цветаевой), Как украли золото сарматов (стр. 36)

Շարունակել կարդալ

Հեռավար ուսուցում. 30.03-17.04

Հեռավար ուսուցում

(30.03, ժամը 09:20 – 17.04, ժամը 23:59)

Ձեր աշխատանքներն ուղարկեք a.tigranyan@mskh.am հասցեով:

7-րդ դասարան – դիտեք «Բարև, էրգիր» հաղորդաշարի հայկական Կիլիկիային վերաբերվող ֆիլմերը և պատասխանեք հետևյալ հարցերին` 1. Ի՞նչ նոր տեղեկություններ ստացաք հայկական Կիլիկիային մասին և դրանցից որո՞նք եք համարում կարևոր; 2. Կա՞ր որևէ հակասություն դասագրքի և ֆիլմերի տեղեկություններում:

8-րդ դասարան – դիտեք և վերլուծեք «Թագակիրները» հաղորդաշարի ֆիլմերը:

9-րդ դասարան – դիտեք և վերլուծեք «Սկիզբ» հաղորդաշարի ֆիլմերը կամ ինձ ուղարկեք քննական հարցաշարի առաջադրանքներին Ձեր բանավոր պատասխանների տեսագրությունները:

10-րդ դասարան – կատարեք հետազոտական աշխատանք «Հայոց պատմության 21-րդ դարի կարևորագույն իրադարձությունները» թեմայով:

11-րդ դասարան – կատարեք հետազոտական աշխատանք «Կորոնավիրուսը և հասարակությունները» թեմայով:

Քաղաքագիտական ակումբի անդամներին և անդամակցել ցանկացողներին հանձնարարում եմ կարդալ ու վերլուծել Տիգրան Հայրապետյանի «Ազգային արժեքներ և քաղաքականություն», «Վերջին մարդու իշխանությունը», «Համազգային անհեթեթության էջերից», «Բորենիների ժամը» հոդվածները, քաղաքագետ Ալեքսանդր Մանասյանի հարցազրույցները Շանթ ՀԸ-ի Հեռանկար ծրագրում, Հ5-ի լրագրողին և «Հայաստանի Հանրապետություն» օրաթերթին` «Ազգերի ինքնորոշման իրավունքը չեն կապում Արցախի հետ», «Աղդամում մեսխեթցի թուրքերը Ադրբեջանի ժողովրդական ճակատի դավադրության զոհն են», «Արցախը գլոբալ քաղաքական գործոն է», նաև` կատարել հետազոտական աշխատանք «Արցախյան շարժում. պատմական շրջափուլեր, ձեռբերումներ և բացթողումներ» թեմայով:

23-24.03                       ©                    Աշոտ Տիգրանյան