Հիվանդությունների համատեղ գրոհն իմ գործունեության ընթացքը զգալիորեն դանդաղեցրեց և հանգեցրեց պլանների իրականացման էական ժամանակային շեղումների:
Այնուամենայնիվ, ժամն է հաշվետվության:
- Յուրաքանչյուր շաբաթվա երկրորդ կեսին հրապարակվել են հաջորդող յոթնօրյակի դասարանական առաջադրանքները, ինչպես նաև` այդ և տնային առաջադրանքների կատարման համար անհրաժեշտ ուսումնական նյութերի հղումները, օր.` ԵՐԵՍՈՒՆԻՆՆԵՐՈՐԴ – ՔԱՌԱՍՈՒՆԵՐՈՐԴ ԴԱՍԵՐ
Կատարման ժամկետը` 27.02-03.03.2017
- Թվարկել Տիգրան Մեծի կայսրության ստեղծման պատճառները;
- Պատմել հայկական երկրորդ աշխարհակալության ստեղծման մասին;
- Համեմատել հայկական առաջին և երկրորդ աշխարհակալությունները:
Աղբյուրներ` Հայոց պատմություն, 6-րդ դասարան, էջ 85-97
Արտակ Մովսիսյան. «Տիգրան Մեծ. թագավորներից մեծագույնը»
Հայկ Խաչատրյան. «Տիգրան Մեծ» (պատմավեպ)
Փ/Ֆ «Տիգրան Մեծ»
Տեսախաղ. «Տիգրան Մեծն ընդդեմ Սելևկյանների»
Անտոնիո Վիվալդի. «Տիգրան» (օպերա)
- Շարունակել եմ «Հիշարժան անձնավորություններ»շարքը, որն ուսումնական նյութերի հարուստ բազա է բազմաբնույթ հետազոտական աշխատանքներ կատարող սովորողների, ինչպես նաև` սովորողների և դասավանդողների ինքնակրթության համար;
- «Այլընտրանքային պատմություն» նախագծի շրջանակներում հրապարակվել է «Ամերիկային նետված մարտահրավեր» հեղինակային թարգմանությունը;
- Միջին դպրոցի գիտակների թիմի հետ կազմակերպել ենք թիմային մրցաշար (ազդ, վիճակահանություն, ամփոփում)
- Իրականացնելով «ՈՒԳԸ – ԱԳԸ. կրթական կամուրջներ» երկարաժամկետ նախագիծը`
- Անցկացրեցի հանդիպումներ ԵՊՀ պատմության ֆակուլտետի ՈՒԳԸ նախագահ Գեղամ Ասատրյանի, ֆիզիկայի ֆակուլտետի ՈՒԳԸ ակտիվի (ավելի մեծ խմբի հետ նաև կրթահամալիրում), արևելագիտության ֆակուլտետի նախագահ Ջեմմա Բադիկյանի հետ;
- Հրապարակեցի «Համագործակցությունը ծավալվում է», «Մեր գործընկերը կլինեն նաև ֆիզիկոս ուսանողները», «Արևելքը գրքերի աշխարհում» տեղեկատվական բնույթի նյութերը;
- Հրապարակեցի «Համագործակցության թեմաներ. ԵՊՀ փիլիսոփայության և հոգեբանության ֆակուլտետի ՈՒԳԸ առաջարկը», «Համագործակցության թեմաներ. ԵՊՀ ֆիզիկայի ֆակուլտետի ՈՒԳԸ առաջարկը», «Համագործակցության թեմաներ. ԵՊՀ պատմության ֆակուլտետի ՈՒԳԸ առաջարկը», «Համագործակցության թեմաներ. ԵՊՀ արևելագիտության ֆակուլտետի ՈՒԳԸ առաջարկը» տեղեկատվական շարքը;
- Համագործակցություն հաստատեցի «Ֆիզիկան բոլորի համար է» ուսանողական բլոգի պատասխանատուների հետ;
- ԱԳԸ բլոգում հրապարակվեց ԵՊՀ պատմության ֆակուլտետի ՈՒԳԸ նախագահ Գեղամ Ասատրյանի «Հայոց ազգային գաղափարախոսության հարցի շուրջ» ուսումնասիրությունը;
- Տրվեց «Ների´ր, աբբահայր» նախագծի մեկնարկը;
- Հանրակրթական Դիջիթեքի-2017-ի «Ուսումնական բլոգը` դասագիրք-տետր» անվանակարգում ես և իններորդցի Հարությունը Ղազարյանն առաջինն էինք;
- Կազմակերպեցի 10-րդ դասարանի սովորողներ Գոհար Հովհաննիսյանի և Անտուան Մելքոնյանի հանդիպումը հոգեբան ուսանողների խմբի հետ: Արդյունքում` ուսանողի խորհրդատվությամբ սովորողի հյետազոտական աշխատանքի իրականացում և ուսումնական օր ԵՊՀ հոգեբանության ֆակուլտետում;
- Հանդիպում «Մրցունակ կրթություն» հասարակական կազմակերպւթյան հիմնադիր նախագահ Արտյոմ Պետրոսյանի հետ (քննարկված թեմաները` մասնակցություն միջազգային լեզվաբանական-տրամաբանական մրցույթի հանրապետական փուլին; սեղանի խաղերի ուսուցում կրթահամալիրի սաներին; հասարակագիտական բնույթի խաղերի ուսուցման և ստեղծման նախագծերը հասարակագիտական նախագծերի ստուգատեսում): Առաջին արդյունքը` սեղանի խաղերի ուսուցում միջին դպրոցի սովորողների 18 հոգիանոց խմբի (փետրվարի 18);
- Ընտրեցի և թարգմանեցի առաջադրանքներ փետրվարյան ֆլեշմոբի համար;
- Զարգացրեցի իմ մոտեցումն ընդհանուր պարապմունքին;
- Ընտրեցի և իմ բլոգում տեղադրեցի 78 ուսումնական հաղորդում;
Այս ամսվա առաջնահերթությունները երեքն են`
- Արդյունավետ մեկնարկ իններորդցիների նախաքննական նախապատրաստությանը;
- Համագործակցության հաստատում ԵՊՀ ևս չորս (նվազագույնը) ֆակուլտետների ՈՒԳԸ-ների հետ;
- «Հետազոտական արշավային ճամբար» նախագծի դաշտային փուլի գործնական նախապատրաստություն:
01.03.2017 © Աշոտ Տիգրանյան
Սպիտակ գայլի վերադարձը 