ԱՌԱՋԻՆ- ԻՆՆԵՐՈՐԴ ԴԱՍԵՐ
Կատարման ժամկետը` սեպտեմբեր
- Իրականացնել «Առաջին աշխարհամարտ» նախագիծը կամ կատարել հետազոտական աշխատանք «Հայոց ցեղասպանություն» թեմայով:
- Թվարկել առաջին աշխարհամարտի երեք գլխավոր հանցագործներին /պատասխանը հիմնավորել/;
- Նկարագրել ռազմաճակատի և թիկունքի մեկ օրը;
- Թվարկել առաջին աշխարհամարտի անմիջական հետևանքներն ըստ կարևորության սանդղակի;
- Ապացուցել, որ առաջին աշխարհամարտի անմիջական հետևանքներն անխուսափելի էին:
- Ապացուցել, որ առաջին աշխարհամարտը կանխորոշեց երկրորդ աշխարհամարտը:
ԻՆՆԵՐՈՐԴ – ՏԱՍՆՉՈՐՍԵՐՈՐԴ ԴԱՍԵՐ
Կատարման ժամկետը` հոկտեմբեր
- Կատարել հետազոտական աշխատանք «Առաջին հանրապետության դասերը», «Ամբողջատիրություն. արմատներ, բուն և ճյուղեր», «Անհատի դերը 20-րդ դարում» թեմայով;
- Իրականացնել «Բռնադատվածներ» նախագիծը կամ ձևակերպել ու սկսել համարժեք նոր նախագիծ;
- Մանրամասն նկարագրել ռազմաճակատի և թիկունքի մեկ օրը (տարին, ամիսը, օրը, ռազմաճակատը, թիկունքի բնակավայրը նշելը պարտադիր է):
ՏԱՍՆՀԻՆԳԵՐՈՐԴ–ՔՍԱՆՉՈՐՍԵՐՈՐԴ ԴԱՍԵՐ
Կատարման ժամկետը` նոյեմբեր
- Հետազոտական աշխատանքների թեմաները` «Իսպանիայի քաղաքացիական պատերազմ. իրականություն և հաղթահարում», «Գարեգին Նժդեհ. առասպել և իրականություն», «Խորհրդային Հայաստանի տնտեսական զարգացումը 20-30-ական թվականներին», «Համաշխարհային գրականությունը աշխարհամարտից աշխարհամարտ ընկած ժամանակահատվածում», «Հայկական նշակույթը միջաշխարհամարտային ժամանակաշրջանում» ;
- Ապացուցել, որ սոցիալ-տնտեսական և մշակութային զարգացումներն ուղիղ համեմատական չեն;
- Թվարկել ՀԽՍՀ այն բնակավայրերը, որտեղ Մեծ Ահաբեկչության տարիներին տուժածներ չեն եղել: Բացատրել այդ բացառիկության պատճառները:
ՔՍԱՆՀԻՆԳԵՐՈՐԴ – ԵՐԵՍՈՒՆԵՐՈՐԴ ԴԱՍԵՐ
Կատարման ժամկետը` դեկտեմբեր
- Հետազոտական աշխատանքների թեմաները` «Աշխարհամարտեր. անցյալ, ներկա, ապագա», «Սփյուռքը երկրորդ աշխարհամարտի տարիներին», «Անհատը և պատերազմը», «Հայկականություն-Արիականություն» գրքի դերը հայ ժողովրդի ճակատագրում», «Հայկ Ասատրյան»;
- Վերցնել հարցազրույցներ երկրորդ աշխարհամարտի նվազագույնը երկու մասնակցից;
- Ապացուցել, որ երկրորդ աշխարհամարտի ընթացքում շարունակվում էր հայոց ցեղասպանությունը:
ԵՐԵՍՈՒՆՄԵԿԵՐՈՐԴ – ԵՐԵՍՈՒՆՈՒԹԵՐՈՐԴ ԴԱՍԵՐ
Կատարման ժամկետը` փետրվար
- Հետազոտական աշխատանքների թեմաները` «20-րդ դարի 60-ական թվականների հայկական զարթոնքը», «Խորհրդային Հայաստան. զարգացող տնտեսություն և ահագնացող հիմնախնդիրներ», «Ազգային Միացյալ Կուսակցությունը. հայկական բացառիկությո՞ւն, թե՞ անհատների խիզախում», «Խորհրդային ամբողջատիրություն և շարունակվող ցեղասպանություն. ողբերգական 1949»;
- Ապացուցել, որ «սառը պատերազմը», նրա ընթացքում դրսևորված երևույթները և հետևանքներն անխուսափելի էին,
- Վերլուծել «սառը պատերազմի» իրադարձությունների և անհատների մասին պատմող որևէ գեղարվեստական ստեղծագործություն:
Պետական ավարտական քննության նախապատրաստություն